Стратегийн зорилго, зорилт

Түргэн тусламжийн үйлчилгээг олон улсын жишигт нийцсэн хэмжээнд хүртээмжтэй, үр дүнтэй, чанартай хүргэж хүний нөөц, технологийг тасралтгүй сайжруулах, санхүүгийн тогтвортой байдлыг бэхжүүлэхэд оршино.

Тэргүүлэх чиглэл

1. Түргэн тусламжийн стандарт, чанар, аюулгүй байдлыг олон улсын жишигт хүргэсэн үндэсний төв болно.
2. Нийгмийн эрүүл мэндийн тусламж үйлчилгээг үр дүнтэй хүргэх, иргэдийн эрүүл мэндийн боловсролыг дээшлүүлнэ.
3. Байгууллагын хөгжил, удирдлага, хүний нөөцийг чадавхижуулна.
4. Санхүүжилт, хөрөнгө оруулалтыг үр өгөөжтэй зарцуулан байгууллагын бие даасан байдлыг бэхжүүлнэ.
5. Шинэ технологи, шилдэг санаа, цахим сүлжээ, инновацыг нэвтрүүлнэ.

ҮЙЛ АЖИЛЛАГААНЫ ЧИГ ҮҮРЭГ

Гэнэтийн цочмог өвчин эмгэг, осол, гэмтэл, хордлого, жирэмсэн, төрөх, амь тэнссэн үед эмнэлгийн тусламжийг газар дээр нь болон тээвэрлэх явцад үзүүлж, эмнэлэгт хүргэх
1.Төв нь Эрүүл мэндийн тухай хууль, Эмнэлгийн тусламж, үйлчилгээний тухай хууль, Стандартчиллын үндэсний зөвлөлийн 2018 оны 09 дүгээр тогтоолоор баталсан “Түргэн тусламжийн төвийн бүтэц үйл ажиллагаа” MNS6717:2018 стандарт, Нийслэлийн Засаг дарга, НЭМГ-ын даргын шийдвэрүүд болон төрөөс баталсан бодлого чиглэлтэй нийцүүлэн өөрийн харьяа нутагт дэвсгэрт түргэн тусламжийн үйлчилгээг үзүүлэх.
2. Анагаах ухаан дэвшилтэд технологи ололт амжилтыг үйл ажиллагаанд нэвтрүүлэх, дотоод, гадаадын ижил төст мэргэжлийн байгууллагатай хамтран ажиллах, туршлага солилцох; Түргэн тусламжийн үйлчилгээнд тулгамдсан асуудлаар нотолгоонд суурилсан үндэслэл бүхий санал боловсруулан шийдвэрлүүлэх.
3. Ажилтан, ажиллагсдыг мэргэжлийн гадаад, дотоод сургалтад хамруулах, туршлага судлуулах, солилцуулах, хамтран ажиллахад дэмжлэг үзүүлэх, шийдвэрлэх.
4. Нийгмийн эрүүл мэндийн бодлогын хэрэгжилтийг хангахад олон талт ажил зохион байгуулж хэрэгжүүлнэ.
5. Эмнэлгээс шалтгаалсан халдвараас урьдчилан сэргийлэх үйл ажиллагааг хангаж ажиллах.
6. Төв нь үйлчлэх хүрээний түргэн тусламжийн үйлчилгээг чанарын өндөр түвшинд үзүүлэх чиглэлээр дараах чиг үүргийг хэрэгжүүлнэ.
7. Үйлчлэх хүрээний хүн амд түргэн тусламжийн чиглэлээр үйлчилгээ үзүүлэх.
8. Эрдэм шинжилгээ, судалгааны төсөл боловсруулах, хэрэгжүүлэх, үр дүнг тооцох, олон улсын эрдэм шинжилгээний хурал семинар зохион байгуулах.
9. Түргэн тусламжийн үйлчилгээг тэгш хүртээмжтэй, чанартай үзүүлэх, дуудлагын хүлээгдлийг бууруулах үйл ажиллагааг зохион байгуулах.
10. Гамшиг, онцгой байдлын үед ажиллах байгууллагын эрүүл мэндийн болон яаралтай тусламж, үйлчилгээний бэлэн байдлыг дээшлүүлэх, болзошгүй гамшгаас урьдчилан сэргийлэх арга хэмжээний зохион байгуулалтыг сайжруулах.
11. Төв нь байгууллагын эмнэлгийн мэргэжилтэн, эрүүл мэндийн ажилтны мэдлэг, мэргэжлийн ур чадварыг дээшлүүлэх, эмнэлгийн мэргэжилтний ёс зүйн хэм хэмжээг мөрдүүлж ажиллана.
12. Төв нь үйл ажиллагаандаа мэдээллийн технологийг цаг үеийн шаардлагад нийцүүлэн нэвтрүүлэх, цахим мэдээллийн тогтолцоог хөгжүүлэхэд дэмжлэг үзүүлж ажиллана.