Нийслэлийн Түргэн тусламжийн төв (НТТТ) нь “Тарваган тахал өвчний тандалт, хяналтын арга хэмжээг эрчимжүүлэх тухай” ЭМС-ын 2025 оны 04 дүгээр албан даалгавар болон Нийслэлийн Засаг даргын А/1064 дүгээр захирамжийн хэрэгжилтийг ханган ажиллах хүрээнд Зооноз өвчин судлалын үндэсний төв (ЗӨСҮТ), Нийслэлийн зооноз өвчин судлалын төв (НЗӨСТ)-тэй хамтран “Тарваган тахал өвчний тархвар зүй, оношилгоо, эмнэлзүй, хариу арга хэмжээ” сэдэвт цахим сургалтыг 2025 оны 08-р сарын 28-ны өдөр амжилттай зохион байгууллаа. Энэхүү сургалтад ЗӨСҮТ-ийн Нийгмийн эрүүл мэндийн Шуурхай удирдлагын албаны тархвар судлаач Л.Роломжав, НЗӨСТ-ийн халдвар судлаач Б.Наранхүү нар хичээл зааж, сургалтад хамрагдсан НТТТ-ийн дуудлагын 65 эмчийн тарваган тахал өвчний тархвар зүй, ялган оношилгоо, эмнэлзүй, хариу арга хэмжээ, тусгаарлан сэргийлэлтийн талаарх мэдлэг, мэдээллийг нэмэгдүүлсэн үр өгөөжтэй сургалт боллоо.