2025 оны байдлаар нийслэлд улаанбурхан өвчин ихсэж, тус өвчний хүндрэлийн тохиолдол нэмэгдэж, нас баралт бүртгэгдэж байгаа учраас дуудлагаар очиж, тусламж үзүүлж буй НТТТ-ийн эмч нарын мэдлэг, ур чадварыг нэмэгдүүлэх шаардлагатай байгаа юм. Иймд НЭМГ-аас ХӨСҮТ-тэй хамтран 06-р сарын 06-12-ны өдрүүдэд ХӨСҮТ-ийн Хүлээн авах, яаралтай тусламжийн тасаг дээр зохион байгуулсан “Улаанбурхан өвчний илрүүлэг, үзлэг хийх, чадавхжуулах” сэдэвт ажлын байрны сургалтад НТТТ-ийн 15 эмч хамрагдаж, эмнэлзүйн дадлага сургалтаар ур чадвараа нэмэгдүүлсэн.  ХӨСҮТ-ийн мэргэшсэн эмч нарын заасан улаанбурхан өвчний талаарх онолын мэдлэг, эмнэлзүйн практик дадлагыг бусад эмч нартаа хуваалцах, мэдлэгээ түгээх зорилгоор 06-р сарын 17-19-ний өдрүүдэд ХӨСҮТ-ийн сургалтад хамрагдсан 15 эмч удирдаж, ажлын байрны сургалтыг зохион байгуулж байна.  Энэхүү сургалтын үр дүнд НТТТ-ийн дуудлагын эмч нарын улаанбурхан өвчний талаар эмнэлзүйн ур чадвар нэмэгдэж, иргэдэд чанартай, үр дүнтэй, аюулгүй тусламж үзүүлэх юм. Дашрамд дурдахад энэ оны 02-р сард ХӨСҮТ-ийн 5-р тасгийн эрхлэгч, АУ-ны доктор М.Оюунгэрэлийн удирдсан “Менингококкт халдвар болон тууралтад халдварт өвчний оношилгоо, эмчилгээ, ялган оношилгоо” сэдэвт сургалтад НТТТ-ийн 115 эмч хамрагдсан билээ.